ਇਹ ਗੋਰਾ ਗੋਰਾ ਮੁਖੜਾ ਤੇਰਾ, ਵੜਾ ਪਿਆਰਾ ਲੱਗਦਾ ਏ

,ਤੇਰੇ ਮੂਹਰੇ ਅੱਜ਼ ਪੁਨਿਆਂ ਦਾ, ਚੰਨ ਵੀ ਵਿਚਾਰਾ ਲੱਗਦਾ ਏ ।

ਗੋਰੀ ਗੱਲ੍ਹ ਦੇ ਉਤੇ ਤੇਰੇ, ਇਹ ਜੋ ਕਾਲਾ ਤਿਲ ਅੜੀਏ ,

ਫੁਲ ਗੁਲਾਬ਼ੀ ਉਤੇ ਬੈਠਾ, ਕੋਈ ਭੌਰ ਅਵਾਰਾ ਲੱਗਦਾ ਏ ।

ਨੀਲਾ ਅੰਬਰ ਜਾਪੇ ਤੇਰੀ, ਚੁਨੀਂ ਸਿਤਾਰਿਆਂ ਵਾਲੀ ਨੀਂ ,

ਨੱਕ ਤੇਰੇ ਦਾ ਲੌਂਗ ਲਿਸ਼ਕਦਾ, ਕੋਈ ਧਰੂੰ ਤਾਰਾ ਲੱਗਦਾ ਏ ।

ਦਿਲ ਸਾਡੇ ਵਿਚ ਧੱਸਦੀ ਜਾਵੇ, ਇਹ ਤੇਰੀ ਨਜ਼ਰ ਕਟਾਰੀ ਨੀਂ ,

ਕੱਢਕੇ ਰਹੂ ਇਹ ਜ਼ਾਨ ਅਸਾਡੀ, ਤੇਰੀ ਅੱਖਦਾ ਇਸ਼ਾਰਾ ਲੱਗਦਾ ਏ ।

ਸੁਰਖ ਗੁਲਾਬ਼ੀ ਬੁਲ੍ਹੀਆਂ ਵਿਚ, ਇਹ ਚੱਮਕਦੇ ਮੋਤੀ ਦੰਦਾਂ ਦੇ ,

ਝਿਲਮਿਲ ਝਿਲਮਿਲ ਕਰਦਾ ਕੋਈ, ਅਜ਼ਬ ਨਜ਼ਾਰਾ ਲੱਗਦਾ ਏ ।

ਹੁਸਨ ਤੇਰੇ ਦਾ ਵੇਖ਼ਕੇ ਜ਼ਲਵਾ, ਹੋਇਆ ਫਿਰੇ ਦੀਵਾਨਾਂ ਨੀਂ ,

“ਚੰਨੀ” ਵੀ ਕਿਸੇ, ਹਿਜ਼ਰ ਦਾ ਮਾਰਾ ਲੱਗਦਾ ਏ .............

www.channi5798.blogspot.com
www.desicomments.com/tag/channi-phullewalia